تاریخ انتشار :سه شنبه ۸ قوس ۱۴۰۱ ساعت ۰۹:۲۷
کد مطلب : 101555
نشست امنیتی هرات در دوشنبه آغاز گردید
دهمین نشست امنیتی هرات زیر عنوان «نظام سیاسی فراگیر؛ الگوها و نقشه راه» در شهر دوشنبه، پایتخت تاجیکستان، لحظات پیش آغاز شد.
به گزارش پیام آفتاب، نشست امنیتی هرات، امروز، سه‌شنبه، ۸ قوس/آذر، در سالن کنفرانس‌های کتابخانه ملی تاجیکستان آغاز شده است.
 
در این نشست که برای دو روز ادامه خواهد داشت، نزدیک به ۲۰۰ تن از کشورهای مختلف اشتراک دارند.
 
این نشست با محوریت «نظام سیاسی فراگیر؛ الگوها و نقشه راه» در حال برگزاری است.
 
یکی از مقام‌های تاجیکستان در سخنرانی افتتاحیه نشست امنیتی هرات گفت که میزبانی آنان از نشست امنیتی هرات و برگزاری آن در کتابخانه مرکزی تاجیکستان نشانه سیاست صلح‌جویانه این کشور در رابطه به افغانستان است.
 
به گفته او سیاست تاجیکستان حمایت از ایجاد یک حکومت همه‌شمول در افغانستان است؛ زیرا ایجاد حکومت همه‌شمول می‌تواند منجر به پایان منازعه نیم قرنه افغانستان و دستیابی به عدالت اجتماعی شود.
 
وی افزوده است که این نشست یک نشست کارشناسی است و علیه هیچ نظام و کشور و یا سیاستی نیست، بلکه بستری برای گفتگوی متنوع در رابطه به مسایل افغانستان است.
 
در مراسم افتتاحیه این نشست نخست مقام‌های تاجیکستان و سپس رنگین دادفر اسپنتا، رئیس هیأت مشورتی انستیتوت مطالعات استراتژیک افغانستان، سخنرانی کرد.
 
دهمین نشست امنیتی هرات در حالی در تاجیکستان آغاز می‌شود که این نشست همه ساله با میزبانی افغانستان برگزار می‌شد.
 
گفته می شود که مقامات امنیتی ایران از شرکت اسماعیل خان در این نشست جلوگیری کرده است.
 
https://payam-aftab.com/vdcenz8znjh87ni.b9bj.html
ارسال نظر
نام شما
آدرس ايميل شما

0