تاریخ انتشار :سه شنبه ۱۸ اسد ۱۴۰۱ ساعت ۱۲:۴۵
کد مطلب : 100834
وزارت دفاع طالبان بار دیگر به تاجیکستان و ازبکستان هشدار داد که هواپیماها و هلیکوپترهای دولت پیشین افغانستان را که در هنگام سقوط نظام جمهوری به این کشورها منتقل شده‌اند به افغانستان برگردانند.
طالبان به تاجیکستان و ازبکستان برای بازگرداندن هلیکوپترها و هواپیماها هشدار داد
به گزارش پیام آفتاب، در حالی که ایالات متحده آمریکا اعلام کرده‌است که و هلیکوپترها و هواپیماهای نظامی حکومت پیشین افغانستان را به حکومت طالبان نخواهد داد، اما اکنون وزارت دفاع طالبان هشدار می‌دهد که افغانستان به زودی و از هر راه ممکن این هلیکوپترها و هواپیماها را بدست خواهد آورد.
«عنایت الله خوارزمی»، سخنگوی وزارت دفاع طالبان، گفت: «این هواپیماها سرمایه مردم افغانستان است و باید به افغانستان برگردد ولی تاهنوز نداده‌اند، البته ملاحظات خود را دارند، ولی این واقعیت است که این هلیکوپترها مربوط به مردم افغانستان می‌شود که در ازبکستان و تاجیکستان است هر وقت که باشد این‌ها گرفته می‌شوند و حساب می‌شوند.»
در همین حال شماری از کارشناسان سیاسی می‌گویند تا هنگامی که حکومت طالبان به رسمیت شناخته نشود تسلیم‌دهی این هواپیماها و هلیکوپترها به افغانستان ناممکن خواهد بود.
به باور کارشناسان کشورهای ازبکستان و تاجیکستان به هیچ عنوان اجازه تسلیم دهی یا تحویل دهی این هواپیماها و هلیکوپترها را به طالبان ندارند.
گفته می‌شود که بیش از چهل هلیکوپتر و هواپیمای متعلق به افغانستان در هنگام سقوط دولت پیشین از سوی نظامیان حکومت پیشین به تاجیکستان و ازبکستان منتقل شده‌اند و طالبان از این کشورها خواسته‌است که این چرخبال‌ها را به افغانستان بسپارند.
https://payam-aftab.com/vdcdsz0foyt0zj6.2a2y.html
ارسال نظر
نام شما
آدرس ايميل شما

0