په افغانستان کې مېشتو ناټو ځواکونو ویلي چې د هېواد په سوېل کې دوه نړیوال ځواکونه د افغان ملي اردو یونیفورم اغوستونکي وسله والو وژلي دي.

دامریکا دجارج ټاون پوهنتون استاد او دحقوقي مسایلو کارپیژاند داود خیر الله له العالم ټيلي ويژن سره په مرکه کښې دخارجي پوځیانو شتون ددغه هیواد دواکمنۍ خلاف ورزۍ وبلله.

دنوروز دریم نړیوال جشن نن سهار دتاجکستان په پلازمینې دوشنبې ښار کښې دافغانستان د ولسمشر حامدکرزي،دایران داسلامي جمهوریت د ولسمشر احمدي نژاد، او دتاجکستان دولسمشر امام علي رحمان په شتون سره پیل شو .

ولسمشر حامد کرزي په کابل کې د ښځو نړیوالې ورځې د لمانځنې پرمهال وویل، د شیکاګو له کنفرانس مخکې به افغانستان له امریکا سره د همکارۍ تړون لاسلیک کړي، خو په دې تړون کې د امریکا له خوا د افغانستان له پوځي تجهیزاتو او افغاني اډو ګټه اخیستل نه دي شامل. ښاغلي کرزي وویل، د شیکاګو له کنفرانس مخکې، له امریکا سره د همکارۍ تړون لاسلیکېږي.

آمریکا او افغانستان د کابل حکومت ته د بګرام بند دسپارلو په اړه یوه موافقه لاسلیک کړه . دغه موافقه پرون د افغانستان د دفاع وزیر ستر جنرال عبدالرحیم وردګ او په افغانستان کښې د ناټو د آمریکايي قوماندان جنرال جان آلن تر مینځ په کابل کښې لاسلیک شوه.

د افغانستان پنیځه ویشت کسیز تجارتي پلاوی پرون مازیګز د درې ورځني سفر په موخه د شمالي خراسان ولایت مرکز بجنورد ته رسیدلی دی. د ایرنا خبري اژانس د راپور له مخې د شمالي خراسان د صنعت او تجارت د کوټې مشر وویل چې افغانستان د کلتوری او مذهبي ګډولو او ګډې پولې له امله له اسلامي ایران سره ښې اړیکې لري.

د پژواک خبري آژانس د راپور له مخې د افغانستان د جنوب کندهار د ولايتي شورا يو غړى وايي چې په پنجوايي کې د امريکايي پوځي په ډزو کې ١٧ بې ګناه ملکیان وژل شوي پنځه نور ټپيان د ي.

د افغانستان په شمال کندوز کې له مظاهره چیانو سره د افغانستان د امنیتي ځواکوو په نښته کې څلور کسان مړه او تر پنځوسو زیات ژوبل شول.

د افغانستان د ګلبدین حکمتیاز حزب اسلامي ګوند د سولې له بهیر سره د یو ځای کیدو لپاره د پاکستان د لومړي وزیر لخوا د کابل مخالفانو ته له ورکړې بلنې هر کلی وکړ.

په افغانستان کې دبهرنیو ځواکونو کوماندان جان آلن په یوې بیانیې کې پرون د کورنیو چارو په وزارت کې د حملې او د دوو امریکایی عسکرو د وژلې په غندلو سره وویل چې د ځواکونو د حفاظت په موخه د ناټو ټول کارکوونکي د کابل له وزارتونو او خواوشا دفترونو بیرته بلل شوې دي.