دسیمې دبدلونونوپه اړه داسلامي ویښتیا په غونډه کې دیوشمیر ګډون کونکو لیدتوګې

په تهران کې داسلامي دځوانانو داسلامي ويښتیا په نړیواله غونډه کې یو شمیر ګډونوالو له خبریالانوسره په جلا جلا مرکو کې ددښمنانو ددسیسو پروړاندې دملتونوپه بیداری او ويښتیا ټینګار وکړ.
دتانزانیا داسلامی ارشاد دبنیاد غړي اسماعیل کینهاګا دیک شنبې په ورځ په تهران کې دځوانانو دنړیوالې اسلامي ویښتیا په دوه ورځنی غونډې په حاشیه کې ددښمنانو ددسیسوپروړاندې دمسلمانانوپه بیداری په ټینګار کولوسره زیاته کړه دې ته په پام سره چې نن ورځ په اسلامي نړی کې دازادي غوښتلواو ظلم سره دمقابلې کولو روح تازه شوې ده په دې لاره کې داسلامي حرکتونو مشری مدیریت او لارښونې ځآنګړی رول لري
نوموړي زیاته کړه مسلمان ملتونه اودنړی ازادي غوښتونکي په سیمه په ځآنګړې توګه په منځني ختیځ او دافریقا په شمال کې دظالمو او مستبدو حکومتونو تربشپړولو نسکورولو پورې خپلې لارې ته دوام ورکوي .
محمد الفاضل دینګ چې دځوانانو داسلامي ویښتیا په نړیواله غونډه کې دګډون لپاره تهران ته راغلی نوموړي هم ددې ناستې دلومړی ورځې په حاشیه کې له ایران څخه ددې غونډې له جوړولوڅخه دمننې کولو ترڅنګ وویل چې لویدیځ هیوادونه په ځانګړې توګه امریکا هڅه کوي ترڅودسیمې اونړی دمسلمانوملتونو په منځ کې دایران درول لوبولو دپراختیا او تفکراتو مخه ونیسي
دغې ځوان سنګالي پوه دایران اسلامي جمهوریت داسلامي نړی په بدلونونوکې په ځآنګړې توګه داسلامي ویښتیا په برخه کې ډیر اغیز شیندونکی وباله او ویې ویل چې ایران داسلامي هیوادونو دپرمختګ لپاره الهام لرونکی دی
په همدې اړه دمصر دعدل ګوند جګپوړي غړي محمد هواوویل چې په عربي هیوادونوکې باید مسلمان ملتونه له ایران سره یوځای شي .
نوموړي داسلامي نړی او سیمې په مسائلو کې دایران اداسلامي جمهوریت اغیزمن رول ته په اشارې سره وویل چې دسیمې ملتونه په ځانګړې توګه اسلامي هیوادونه باید داسلامي انقلاب دپرمختګ او اسلامي ویښتیا په برخه کې له ایران سره متحدشي
محمد هوا دغه راز وویل دایران اسلامی جمهوریت یواځنی هیواد دی چې دتیرو دریو لسیزو څخه دزیاتې مودې راهیسې دصهیونستي رژیم دامریکا دزیاتي کونکو غوښتنو او ځیني لودیځو هیوادونوپروړاندې ولاړدی او نن ورځ مسلمان ملتونه له دې هیواد سره مینه لري .
دمصري فعال زیاته کړه چې نن ورځ مسلمان عربي ملتونه خوښوي چې داسلامي ایران دچورلیز په ماحول کې وي
دغه راز نوموړي زیاته کړه چې دمصر خلک دمبارک درژیم په نسکورولو سره له ایران سره دخپلو اړیکو دپراخی غوښتونکی ؤ او دی خو په دې هیواد یو شمیر واکمن پوځيان په دې لاره کې خنډونه رامنځته کوي اوهیله من یم دغه خنډونه ډیر زره له منځه ولاړشي .
دځوانانو داسلامي ویښتیا نړیواله غونډه دیک شنبې په ورځ دایران داسلامي جمهوریت دولسمشر ډاکتر محمود احمدي نژاد داسلامي ويښتیا دټولنې دعمومي او درهبری دمعظم رهبر دنړیوالو چارو دسلاکار منشي علي اکبر ولایتي ، اودنړی له ۷۳هیوادونو او اسلامي جمهوریت څخه دیوزر او ۶۰۰ ځوانانو پوهانوپه ګډون دیک شنبې په ورځ په پلازمینې تهران کې پیل شوه