د ایران او د افغانستان تاجرانو د همکارۍ موافقه لاسلیک کړه

د ایران د مرکزي ولایت پانګه والو او د افغانستان د هرات ولایت د تجارت او صنایعو کوټې د تجارتي ملګرتیاو د پراختیا موافقه لاسلیک کړه.
د ایرنا خبري اژانس د راپور له مخې د هرات ولایت د تجارت او صنایعو د کوټې عامل مدیر خلیل یارمند وویل : هغه موافقه چې پرون د ایران د مرکزي ولایت دپانګه والو او د دغه کوټې ترمینځ په هرات کې لاسلیک شوه د دواړو هیوادونو له اقتصادي اړیکو سره مرسته کوي.
خلیل یارمند زیاته کړه چې په دغه موافقه کې د ملګرتیاوو پراختیا ، د صنعتي تولیداتو د نندارتونونو جوړول او په ایران او افغانستان کې د افغان سوداګرانو لپاره د اسانتیاوو پیدا کول شامل دي.
دم ګړۍ یو شمیر ایراني سوداګران او پانګه وال هرات ته تللې دي.
ایران د افغانستان په بازاراو تجارت کې لویه ونډه لري.
غالۍ، خوراکي او د وینځلو توکي، پټرول، ډیزل،او د ودانیو د جوړولو سامانونه ځینې هغه څیزونه دي چې له ایرانه افغانستان ته صادریږي.