فرانسې دخپلو عسکرو د وژلې په اعتراض کې د افغان ځواکونو روزنه وځنډوله

د خپلو څلورو عسکرو په وژله د فرانسې غبرګون.
د فرانسې ولسمشر نیکلا سارکوزي پرون په افغانستان کې د څلورو فرانسوي عسکرو دوژلې له تاییدیدا وروسته د فرانسوي ځواکونو له خوا د افغان ځواکونو روزنه وځنډوله.
سارکوزي دغه وژله د منلو وړ ونه بلله او وې ویل چې ډیر زر به د فرانسې خارجه وزیر آلن ژوبې د فرانسې خارجه وزیر د افغانستان په سفر کې دا پیښه وجاجوي.
پرون د افغانستان د ملي اردو یو کس د افغانستان په خیتځ کاپیسا ولایت کې د فرانسې څلور عسکر په ډزو ووژل او څوارلسې یې ژوبل کړل چې د اتو حالت پکې ډیر نازک دی.
د دوه زره یوولسم کال د دسمبر په نهه ویشتمه هم په دې سیمه کې پّ ورته پیښه کې دوه فرانسوي عسکر وژل شوې وو. په افغانستان کې د کابو شلو فرانسوي عسکرو مرګ ژوبله پّ داسې حال کې چې دفرانسې انتخاباتو ته یوازې دوه میاشتې پاتې دي د سارکوزي په موقعیت منفي اغیزه شیندلی او دهغه سیالانو ته د نیوکې لپاره ښه پلمه په لاس ورکولی شي. په دې توګه چې همدا اوسه ځینو سیالانو له افغانستانه د فرانسوي عسکرو د وتلو غوښتنه کړې ده. که څه هم د امریکا خارجه وزیرې هیله څرګنده کړې ده چې فرانسه له افغانستانه خپل عسکر ونه باسي.
دفرانسې خلک د افغانستان له جنګه چندانې ملاتړ نه کوي او د دغه هیواد عامه افکار له افغانستانه د خپلو عسکرو زر تر زره وتل غواړي. د یوې نظر غوښتنې له مخې د فرانسې اویا فیصده خلک غواړي چې عسکر یې له افغانستانه ووځي. مخالف ګوندونه هم په دې خبره ټینګار کوي. په افغانستان کې د فرانسوي عسکرو شتون دم ګړۍ د سارکوزي په کړچار د نیوکې لپاره په یوې وسیلې بدل شوی دی. مثلا په افغانستان کې د عسکرو د زیاتولو لپآره د امریکا له غوښتنې سره د سارکوزي له موافقې وروسته د فرانسې سوشسلټانو له دغه اقدام سره دمخالفت پّ ترڅ کې وویل چې سارکوزي خپل عسکر یو داسې جنګ ته لیږلې دي چې بریالیتوب نه لري.
د سیاسي څارونکو له نظره هم د افغانستان له وسله والو مخالفانو سره جنګ پوځي حل لاره نه لري او باید یوازې له سیاسي لارې حل شي. چې له پاکستان سره د مرستې او له نشه ایزو موادو سره دمبارزې له لارې دا چاره تر سره کیدی شي.
په افغانستان کې د فرانسوي عسکرو دشتون مخالفان په دغه هیواد کې اساسي ستونزه په افغانستان کې دموجودو ځواکونو په کومانده کې ګڼي او غوښته یې کړې ده چې فرانسوي ځواکونه دې د پوځي عملیاتو په تیره بیا د امریکایی ځواکونو د عملیاتو په هکله زیات معلومات ولري. ښآیی له همدې امله وي چې د فرانسې دفاع وزیر له افغان مقاماتو سره په کتنه کې په دوحې کې له طالبانو سره دخبرو د طرحې ملاتړ کړی دی .
فرانسه دم ګړۍ په افغانستان کې کابو څلور زره عسکر لري او د دغو څلورو کسانو په وژل کیدو سره په افغانستان کې دفرانسوي عسکرو د وژلې شمیر دوه اتیا تنو ته رسیږي.