دافغانستان دولتي ځواکونو ته د بګرام د زندان دسپارلو په اړه امریکا ته ددغه هېواد خبرداری/سالار

افغان ولسمشر اعلان وکړی چې تریوې میاشتې پورې د بګرام زندان مسوولت له امریکايي ځواکونو څخه افغان ځواکونو ته سپارل کېږي.
د افغانستان ولسمشر حامد کرزي په بګرام زندان کې د امریکايي ځواکونو له خوا د بشري حقوقو د ترپښو لاندې کولو په غبرګون کې حکم وکړ چې په یوه میاشت کې ددغه زندان مسوولیت له امريکايي ځواکونو څخه افغان ځواکونو ته وسپارل شي.
له طالبانو سره په خبرو اترو کې د امریکايي چارواکو له یو اړخیزه اقدام وروسته د واشنګټن - کابل د اړیکو له سړیدو وروسته، وړمه ورځ د افغانستان ولسمشر حامد کرزي په بګرام زندان کې د امریکايي ځواکونو له خوا د بشري حقوقو د ترپښو لاندې کولو له رپوټ له اوریدو وروسته حکم وکړ چې په یوه میاشت کې ددې د بګرام زندان سربېره، د نورو هغوزندانیانو چې په افغانستان کې د امریکايي پوځیانو په زندانونو کې ساتل کېږي، هم د افغانستان دولت ته وسپارل شي.
د افغانستان د ولسمشرۍ ماڼۍ د اطلاعیه له مخې، د بګرام له زندان څخه د کابل ددولت نوې ارزونه ددې ښودنه کوي چې په دې بند کې، د افغانستان د قوانینو او د بشري حقوقو د معیارونو له مخې، له بندیانو سره چلند نه کېږي.
دبګرام زندان په افغانستان کې د پلازمېنې کابل په شمال کې پروت او د امریکايي ځواکونویو له هغو پټو زندانونو دی چې په دې هېواد کې یې لري او د بشري حقوقو ارګانونو څوڅو ځلې په دې زندان کې له بندیانو سره د بد چلند او شکنجو رپوټونه ورکړي دي.
په دې زندان کې له طالبانو او القاعدې سره د ملګرتیا په تور په له محاکمې پرته په زرګونو کسان بندیان دي.
د بګرام زندان په تېر وخت کې د ګوانتانامو زندان د ننوتلو دروازه ګڼل کېده.
په دې زندان کې افغان بندیانو ته د ګوانتانامو زندان په شان داسې سزاګانې ورکول کېږي، لکه په ژمي کې د بندیانو پربدنونو د یخو اوبو اچول او په اوړي کې د بندیانو پر بدن د چوش اوبو اچول، پر وحشي سپیو د زندانیانو داړل، له خوبه منع کول، په وسله ګواښ، بندیانو ته جسمي تکلیف رسولو په شان ډول ډول شکنجې ورکول کېږي.
سره له دې چې د افغانستان دولت ته د بګرام د زندان د مسوولیت سپارلو په اړه، لاپخوا ددې هېواد ددولت او امریکايي چارواکو ترمنځ موافقه شوې وه، خو تراوسه پورې ددې زندان مسوولت په بشپړه توګه افغان دولت ته نه دی سپارل شوی او امریکايي پوځیانو په بیلابېلو پلمو سره تراوسه پورې ددې بند له سپارلو ځان غړولی دی.
د افغانستان دولت په داسې حال کې ددې زندان د مسوولیت سپارلو اقدام کړی دی چې له یوې خوا ددې هېواد په مختلفو سیمو کې افغان ځواکونو ته د امنیت سپارلو بهیر دوام لري او له بلې خوا امریکا له طالبانو سره خبرې اترې پیل کړې او طالبان نیت لري چې په قطر کې خپل دفتر پرانیزي.
اوسمهال له نړیوال سره صلیب پرته، په افغانستان کې د امریکايانو تر کنټرول لاندې زندانونو ته د ورتګ اجازه بل هیڅ ا رګان نه لري او دې مسئلې په افغانستان کې دبګرام او د امریکايي پوځیانو ترکنټرول لاندې نورو زندانونو کې د بندیانو د ساتل کېدو د شرايطو په اړه اندېښنې راپورته کړې دي.
له همدې امله د افغانستان دولت په وار وار له امریکا غوښتي دي چې د بندیانو د ساتنې مسوولیت د افغانستان دولتي ارګانونو ته وسپاري.
هغه موضوع چې که څه هم تر اوسه پورې نه ده عملي شوې، خو دافغانستان ولسمشر پرېکړه کړې چې دبګرام د زندان د اداره کولو مسوولیت به افغان ځواکونو ته وسپارل شي.