پاکستان ته د کرزی سفر

سرچینه: فرانټیر پوست ورځپاڼه

ژباړه او ترتیب: میرویس جلالزی

پاکستان ته د افغان ولسمشر حامد کرزی سفر په ډیره یوه حساسه اوجالبه موقع کې تر سره شو.

لومړی، د پاکستان اردو خپل د تیرو څو  کلونو اوږد سکوت مات کړی او دایې واضح کړه چې د سیمې د ثبات لپاره په صداقت کار کوی، یو با ثباته، دوستانه او ښه افغانستان غواړی او له بل لوری دا هم نه غواړی چې په افغانستان کې دوهم دلیلاما شتون ولری، یعنی د هند حضور چې پاکستان یې د خپلې خاورې امنیت ته لوی ګواښ بولی.

فرانټیر پوست ورځپاڼه لیکی چې پاکستان په افغانستان کې د هند له نفوذ څخه په ویره کې ده .

خو د ورځپاڼی په باور حامد کرزی پاکستان ته د خپل سفر پر مهال له افغانستان څخه د امریکایی سرتیرو د وتلو د هغې ستراتیژۍ پر سر  ډیر تمرکز وکړ چې د بارک اوبهاما له خوا طرح شوی ده .

ورځپاڼه لیکی چې ښایې ولسمشر کرزی له دې ویره ولری چې که چیرته امریکا له افغانستان څخه پاکستان ته مخ واړوی نو ښایې ملک یې  ډیر بی ثباته شی هغسی بی ثباته چې له افغانستان څخه یو مهال امریکا عراق ته مخ اړولی وو چې اوس یې هم پایلې ښې واضح شوی دی.

د فرانیټر پوست پر وینا چې کرزی په اسلام آباد کې دوه ډوله خبری وکړی له یوه پلوه یې له طالبانو سره په خپله خاوره کې د سولې او ملکی ژوندانه ته د هغو د را ګرځولو خبره وکړه او بله دا چې هغه له پاکستان څخه د وسلو د پیرلو مطالبه وکړه چې د ورځپاڼی په باور د کرزی دغه دوه خبری په ټکر کې ضداو نقیصی بریښی.

ورځپاڼه لیکی چې پاکستان ته د کرزی د سفر پرمهال کرزی دا خبره یاده نکړه چې د  اپریل د میاشتې د سولې په جرګه کې به د پخوانۍ  جرګې په څیر د پاکستان استازی هم برخه ولری که څنګه خو هغه د پاکستان له اردو سره د ګډی همکارۍ ژمنه وکړه او له پوځ څخه یې وغوښتل چې د هیواد د امنیت لپآره یې ورسره هغسی هڅی وکړی لکه دخپل هیواد لپاره چې یې کوی.

په ورته وخت کې په افغانستان کې ټولې ښکیلی غاړې، بهرنیان او کورنیان په دې لټه کې دی چې له افغانستان څخه د امریکایی سرتیرود احتمالی خروج څخه خپله خپله ګټه پورته کړی چې د ورځپاڼی په باور د پاکستان اردو هم دغې  شومې ته سترګی سرې کړی دی.

ورځپاڼه لیکی چې طالبان دغلته د کلی رول لوبوی.

او دا به په راتلونکی کال کې ثابته شی چې آیا افغان او یا هم امریکایی ځواکونه به په را روان هجری لمریز کال کې  طالبانو ته سخته ضربه وارده کړی او که به طالبان د دغې سیالۍ  ګټونکی شی، خو هغه څه چې روښانه دی هغه دا دی چې افغانستان به دا ځل دې ته پرینښول شی چې یو ځل بیا د تاوتریخوالی په سمندر کې ډوب شی ځکه چې د دغې ماتې بوج به ټولو هغو ښکیلو لوبغاړو ته د نه وړلو وړ وی چې په افغانستان کې دخیل دی.

فرانټیر پوست ورځپاڼه په پای کې لیکی چې په سیمه کې به عادلانه سوله ټولې غاړې دې ته اړ باسی چې یو د بل له ګواښولو لاس واخلی او د افغانستان ستونزې ته د کمپیوتر د یوه سویچ د کیکاږلو په څیر د سولې ټکی کیښودل شی.