کارمندان حکومت پیشین: خانواده‌های ما با گرسنگی روبرو هستند

شماری از کارمندان حکومت پیشین در ولایت سرپل در شمال کشور گفته‌اند که به دلیل بیکاری و عدم پرداخت حقوق ماهانه؛ خانواده‌های آنان با گرسنگی و فقر مواجه شده‌اند.
تاریخ انتشار : شنبه ۳ میزان ۱۴۰۰ ساعت ۱۰:۲۸
کارمندان حکومت پیشین: خانواده‌های ما با گرسنگی روبرو هستند
پس از سقوط نظام جمهوری و روی کار آمدن طالبان، سیستم کاری در ادارات دولتی و غیردولتی مختل شده که سبب بیکاری گردید.
در حالیکه طالبان از کارمندان ادارات دولتی خواسته است تا دوباره به کارهای شان بر گردند اما تعدادی از این کارمندان به دلایل مختلف دوباره برنگشتند.
 
به دلیل بیکاری؛ خانواده‌های ما با گرسنگی مواجه شدند
شماری از کارمندان حکومت پیشین که به کارهایشان دوباره برگشته‌اند، می‌گویند که از چند ماه به اینطرف حقوق ماهانه دریافت نکرده و خانواده‌های شان با گرسنگی مواجه شده‌اند.
آنان می‌افزایند که یگانه راه درآمد مالی آنان حقوق ماهانه می‌باشد که متأسفانه از چند ماه می‌شود که این حقوق پرداخت نشده و با مشکلات جدی اقتصادی و مالی روبرو گردیده‌اند.
این کارمندان که در ادارات مختلف دولتی در ولایت سرپل مشغول کار هستند، می‌گویند حتی روزهای شده که پول خریداری یک قرص نان خشک هم نداشته و گرسنه به کار آمده‌است.
آنان تأکید می‌کنند که کارمندان دولتی افراد و اشخاص فقیر و بیچاره هستند که تنها درآمد مالی شان هم حقوق ماهانه می‌باشد که دیگر هیچ گونه درآمد مالی برای رفع نیازمندی شان ندارند.
کارمندان حکومت پیشین می‌گویند مقام‌هایی که در حکومت پیشین کار می‌کردند، با پول‌های هنگفت از کشور فرار کرده و تنها کارمندان غریب و بیچاره مشغول کار می‌باشند.
این کارمندان از مسئولان طالبان می‌خواهند که برای حمایت از آنان برنامه‌هایی را طرح‌ریزی کرده و حقوق ماهانه گذشته و حال شان را پرداخت کنند.
هرچند که طالبان وعده سپرده‌است که برای تمامی کارمندان حکومت پیشین و نیز کسانی که هم‌اکنون در ادارات دولتی کار می‌کنند، حقوق ماهانه شان را پرداخت خواهند کرد اما این وعده هنوز عملی نشده است.
کد مطلب: 97719
گزارشگر : پایگاه اطلاع رسانی پیام آفتاب
 


 
نام و نام خانوادگی
ایمیل